МБУ "Магарасский Центр досуга"

Бүгүн кулун тутар 26 күнүгэр Одуну нэһилиэгэр улуустааҕы "Уол аҕатынаан" күрэх Орто Күөл эбэҕэ үрдүк тэрээһиннээхтик буолан ааста. Одуну, Бэрдьигэстээх, Октябрьскай, Кировскай, Солоҕон нэһилиэктэриттэн 6 дьиэ кэргэн хамаандалара сэттэ түһүмэххэ илин - кэлин түһүстүлэр. Күрэх кэмигэр аҕалар уолаттарынаан мас суоруутугар, илии эрбиитинэн маһы эрбээһиҥҥэ, хайытан сааһылааһыҥҥа, ойбон алларыытыгар,  остуолбаҕа тахсааһыҥҥа уонна кутаа оттон күөс оргутуутугар сатабылларын көрдөрдүлэр. Тыҥааһыннаах киирсиилэр түмүктэринэн күрэх кыайыылааҕынан Альберт Данилов уолунаан Васялыын тахсаннар Одуну нэһилиэгин "Түмэн" эр дьон түмсүүтэ туруорбут МР - 43 саа сертификатынан наҕараадаланнылар. Иккис миэстэни Октябрьскайтан Пётр, Олимпий Оленовтар, үсүһү Геннадий, Рустан Захаровтар ылан сыаналаах бириистэринэн наҕараадаланнылар. Күрэххэ көхтөөх кыттыыны ылбыт Бэрдьигэстээхтэн Пётр, Олимпий Петровтар, Кировскайтан Арсен, Айсен Кубаровтар, Одунуттан Афанасий, Алёша Макаровтар спонсордар туруорбут анал бириистэрин тутан үөрэн көтөн тарҕастылар. Түгэнинэн туһанан күрэхпит спонсордарыгар барҕа махталбытын тиэрдэбит. Ол курдук: "Түмэн" эр дьон түмсүүтэ, Л.Н.Харитонов аатынан Маҕарас орто оскуолата, "Одуну нэһилиэгэ" МТ, " Горнай Улууһа" МТ соц. политикаҕа отдела, Горнай улууһун а5аларын түмсүүтэ, "Туллукчаана" оҕону сайыннарар киин , Олохтоох сынньалаҥ киин, ОДьКХ Ма5арастаа5ы филиала, олохтоох урбаанньыттар Пётр Волгин, Семён Сидоров, Жанна Данилова, Михаил Жирков, Степан Контоев, Александр Контоев, Геннадий Никифоров, " Сахателекоммуникации", "Индустрия будущего" тэрилтэлэр. Бу курдук өрүү түмсүүлээх буолуоххайыҥ, бэйэ бэйэни өйдөһө, өйөнсө туруохха.