Терпсихора бырааһынньыга – үҥкүү өрөгөйө 
                                                                                Сэттэ омугу сиэттиһиннэрбит,
                                                                                      Аҕыс омугу алтыһыннарбыт,
                                                                                      Тоҕус омугу түмсүһүннэрбит,
                                                                                       Доҕордоһуу туоната – Үҥкүү!

        Кулун тутар 26 күнүгэр Хатаска международнай үнкүү конкурса очно, заочно элбэх коллектив кыттан түмүктэннэ. Республика араас улуустара куораттан 280 тахса киһи кыттыбыт. Үөрүүлээҕэ бу конкуруска Маҕарастан "Эр Дохсун" уолаттар үнкүү ансаамбыла, салайааччы Олимпиада Текеянова ГРАН-ПРИ ыланнар кыайыы өрөгөйүн биллилэр

       Дьүүллүүр сүбэ бэрэссэдээтэлэ  Батаа Балжиннян Монголияҕа олорон быһа сибээскэ куйаар нөҥүө  сыаналаата. Эмиэ куйаар нөҥүө олорон Америкаттан Любовь Сахина уонна Санкт - Петербург куораттан Мария Залецкая үлэлээтилэр. Манна Хатаска СӨ култууратын үтүөлээх үлэһиттэрэ Светлана Тимофеева, Людмила Антипина, Хухээ Балдорж, СӨ култууратын туйгуна Розалия Громова сыаналаатылар онон дьүүллүүр сүбэ 7 киһилээх үлэлээтэ.  
              19 кэлэктиип ол иһигэр 5 микста группа (араас саастаах дьон), 3 соло, 4 дьиэ – кэргэн  Мэҥэ – Хаҥаластан, Нам улууһун Аппаанытыттан,Горнай улууһун Маҥараһыттан, Томпо улууһун Тополинайыттан, Хаандыгатыттан, Бүлүү улууһун Эбэтиттэн, Үөһээ – Бүлүүттэн, Мирнэйтэн Хаҥалас улууһун Чапаевыттан  Дьокуускай куораттан, Мархаттан, Хатастан үҥкүүлээтилэр. 
Дьэ, онон норуоттар икки ардыларынааҕы “Терпсихора бырааһынньыга” конкурспут 23 төгүлүн өрө көтөҕүллүүлээхтик ааста. Быйылгы куонкуруспут САССР тэриллибитэ 100 сылыгар, Саха сирэ Арассыыйалыын холбоспута 390 сылыгар ананна.